Gure eskolako haurrek, herriko ikastetxe guztien izenean, zuhaitzak landatzen aritu dira Astin. Hain zuzen, zumarrak landatu dituzte, Europa osoan zuhaitz horiek onddo batek eragindako gaitzak jota hiltzen ari direlako, hemen landatutakoak, gaixotasun horri erresistenteak dira. Jarduera Arkamurka natur taldeak, Zerynthia tximeletak babesteko elkarteak, Gipuzkoako Foru Aldundiak eta Zarauzko Udalak antolatu dute, gazteek ingurunea ezagutu eta maitatu, errespetatu eta zaintzeko helburuarekin. Modu horretan, natura ondarea aurrerantzean ere gozatzeko aukera bermatuko da.
Aurten Zerynthia tximeletak babesteko elkarteak parte hartu du, proiektu berri eta polit bat martxan jartzeko: desagertzeko arriskuan dagoen tximeleta hori hazteko behar dituen zuhaitzak, zumarrak, landatu dituzte, beren loreak behar dituelako bizitzeko. "Zumarrak desagertzen ari direnez, tximeleta mota hori ere asko ari da murrizten", adierazi du Ingurumen Departamentuko zinegotzia den Gloria Vázquezek.
Eskerrik asko antolatzaile guztioi, aukera polita baita natura babesten ikasteko. Behin zuhaitzak landatuta, ikasleak eurek izango dute horiek zaindu eta hezteko nahiz tximeleta babesteko ardura.
iruzkinik ez :
Argitaratu iruzkina